Me rolin e Madama Corteses në operën “Il Viaggio a Reims” të Rossinit, sopranoja kosovare e ka zgjeruar listën me skenat prestigjioze, ku ka interpretuar deri më tani.
Me interpretimin në shfaqjen operistike të realizuar nën regjinë e mjeshtrit Emilio Sagi, të hënën mbrëma ajo debutoi në “Gran Teatre del Liceu” në Barcelonë, shkruan sot “Koha Ditore”.
Një ditë pas premierës, Qerkezi i ka thënë gazetës të jetë mirëpritur e duartrokitur gjatë nga audienca, ashtu sikurse e gjitha kasta e operës. Për tri net radhazi, ajo do të ngjitet në këtë skenë për të interpretuar në shfaqjen operistike me regji të Sagit, e nën dirigjimin e maestros Giacomo Sagripanti.
“Debutimi im shkoi për mrekulli. Regjia e mjeshtrit të madh të teatrit, Emilio Sagi është vërtet e veçantë dhe me shumë kërkesa. Maestro Sagin e falënderoj për bashkëpunimin e shkëlqyer, dhe e çmoj shumë vlerësimin e tij. Isha e privilegjuar të punoj me të”, ka thënë Qerkezi për gazetën pas shfaqjes së parë në skenën e teatrit të famshëm spanjoll... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
-
Marigona Qerkezi kalon provën gjenerale në skenën e Barcelonës
-
Marigona Qerkezi, në rolin e Madame Corteses, në dy skena italiane
-
Marigona Qerkezi me rolin e Rosilandës në historinë e teatrit italian
-
Marigona Qerkezi e mrekullueshme në paraqitjen e saj në Rossini Opera Festival
-
Marigona Qerkezi – ylli në ngritje të përhershme