Kryeministri i Kosovës, Ramush Haradinaj, mori pjesë në manifestimin artistik tradicional me rastin e 70-vjetorit të Ansamblit Folklorik Autokton “RUGOVA”, që u mbajt nën patronatin e Kryeministrit.
Me këtë rast, kryeministri uroi 70-vjetorin e Ansamblit “RUGOVA”, i cili siç tha, koincidon me ditëlindjen e presidentit Ibrahim Rugova.
“Ne kudo që jemi krenohemi me ju, me Ansamblin Autokton “RUGOVA”. Kjo është një festë e madhe, me shumë domethënie, dhe ky bashkim i yni e vërteton rrugëtimin 70 vjeçar të një thesari tonë, por që është mijëra vjet”, tha kryeministri Haradinaj, duke theksuar se ky manifestim i bënë nderë jo vetëm artistëve, Rugovës kreshnike, por edhe kombit.
Haradinaj, para të pranishmëve të shumtë, tha se Kosova, Qeveria, dhe të gjithë të tjerët, e kanë për nder ta rregullojnë statusin ligjor të Ansamblit Autokton “RUGOVA” si Ansambël Nacional, dhe siç tha ai, “kjo do të ndodhë”.
“Dëshiroj të them se të gjithë e dimë se modernja është e të gjithëve, të gjithë kanë hise në të, por tradita është vetëm e atyre që e ruajnë dhe unë ju përgëzoj që e keni ruajtur për vete dhe për ne kudo që jemi”, tha kryeministri Haradinaj.
Pjesëmarrës në këtë ngjarje ishin ansamblet nga e gjithë hapësira shqiptare.
-
Haradinaj u premton status ligjor Ansamblit “Rugova”
-
Haradinaj: Kosovën e presin sfida të mëdha, por angazhimi i Rugovës jeton gjithnjë
-
Haradinaj, nga homazhet te shtatorja e Rugovës: Shpresoj liberalizimin e vizave para Krishtlindjeve
-
Haradinaj bën homazhe tek varri i Rugovës, thotë se nuk është fushatë
-
Haradinaj: Kosova nuk e ka luksin të kthehet mbrapa nga shtetësia