-
Nga:
Shaban Maxharraj
- 23 korrik 2019 12:03
- Shpërndaje në:
Prishtinë, 23 korrik – Gara për pozitën e drejtorit të Muzeut Kombëtar të Kosovës do të vazhdojë me 11 kandidatë.
Shtyrja për një javë, që ia ka bërë Ministria e Kulturës afatit për pranimin e aplikacioneve, nuk e ka ndërruar numrin e kandidaturave.
Tashmë ka mbetur që Ministria e Kulturës dhe Këshilli Drejtues i Muzeut Kombëtar të Kosovës të vazhdojnë procesin e vlerësimit të kandidatëve nëse i plotësojnë kushtet për t’iu nënshtruar testimit për pozitën më të lartë menaxheriale të MKK-së. Këshilli Drejtues i Muzeut do të mblidhet sot (e martë).
Sipas sekretarit të përgjithshëm të MKRS-së, Veton Firzi përfundimi i javës shtesë për pranimin e aplikacioneve shkaku i plotësimit të kriterit gjinor e etnik e çon konkursin për drejtor të MKK-së në një tjetër nivel.
“Tash mbetet që Këshilli Drejtues të bëjë vlerësimin nëse kandidatët plotësojnë kushtet e kërkuara me konkurs në mënyrë që t’u nënshtrohen procedurave për zgjedhjen e drejtorit”, ka thënë Firzi për konkursin që ishte hapur më 27 qershor.
Sipas listës që posedon gazeta, konkursit që është hapur pas dështimit të atij të brendshëm, ia kanë mësyrë: Izet Miftari, Ajet Leci, Sadik Krasniqi, Arsim Mehmeti, Sedat Sahitaj, Naim Çekaj, Bekim Vishaj, Bekim Gashi, Arben Arifi, Fatmir Hoxha e Ismet Mulaj.
(Gjerësisht, sot në "Kohën Ditore")
