Ka një temperament të veçantë ndaj ngjyrave.
Diella Valla qysh si fëmijë, ka nisur ta zhvillojë veten në fushën e artit pamor. Ajo është e fokusuar veçmas në detaje. Ngjyrat i hedh në kufizim të imazheve që lidhen me feminitetin e natyrën, raporton “Express” i KTV-së.
Në letër, ajo ka shtrirë një numër të madh skicash për kreacione mode. Këtë rrugë synon ta ndjekë në të ardhmen.
Diella Valla ka sfiduar veten edhe në aktrim. Ajo ka qenë në një ndër rolet kryesore të filmit “Ajo” nga More Raca, film ky që vitin e kaluar fitoi të drejtën për aplikim në Oscar.
Diella Valla synon që kur të definojë më tutje stilin e saj, punimet e saj t’i përmbledhë një ekspozitë personale për publikun.
