Çmimin letrar “Beqir Musliu” e fiton poeti Ramadan Musliu

Poeti Ramadan Musliu është fitues i çmimit letrat “Beqir Musliu”.

Në emër të jurisë profesionale ka folur Anton Nikë Berisha, ka bërë të ditur se këtë vit çmimin “Beqir Musliu” e merr poeti Ramadan Musliu, si krijues i madh nga kjo anë, në fushën e poezisë dhe në rrafshin e studimit letrar, duke pasuruar poezinë shqipe dhe duke zgjeruar edhe më shumë rrafshin e studimit letrar.

Nërkaq, kryetari i komunës, Lutfi Haziri, ka thënë se është çmimi “Beqir Musliu” është çmimi më i madh letrar.

“Ky çmim është duke u ndarë në kuadër të ditëve të bardha të lirisë së Gjilanit dhe çmimi si i tillë është kurora e gjithë aktiviteteve kulturore që organizohet në Komunën e Gjilanit”, ka thënë në fjalën e tij kryetari Lutfi Haziri.

“Pasi jemi në muajin e dhjetë të ndarjes së çmimit ‘Beqir Musliu’, ne do të vendosim murin e doajenëve të çmimit letrar ‘Beqir Musliu’, në Teatrin e Qytetit dhe në ceremoninë e ndarjes së çmimit do të bëhet zbulimi i fotografive të atyre që janë fitues të këtij çmimi ndër vitesh”, ka thënë kryetari i Haziri.

Përndryshe, me vendim unanim, komisioni në përbërje, Anton Nikë Berisha, Sabit Rrustemi dhe Xhevat Latifi, ka vendosur që çmimi të shkoj për poetin Ramadan Musliu.