Kulturë

“Gjon Mili” për manipulimin e realitetit

Pëlhura e gjelbër mbulon një pjesë të dyshemesë dhe të murit. Përballë saj është e vendosur një mbajtëse partiturash. Por në vend të partiturave aty janë vendosur polaroid për ekspres-fotografi.

Këto tri elemente përbëjnë veprën “E kam ditur se një ditë do të bëhem valltar”, që është shpallur fituese e edicionit të 15-të e ekspozitës ndërkombëtare të fotografisë “Çmimi Gjon Mili”. Ani pse nuk ka të bëjë direkt me fotografinë si produkt final, koncepti i autorit Dardan Zhegrova lidhet fort me realizimin e një imazhi, shkruan sot Koha Ditore.