Kulturë

“T’padashtun” në Festivalin e Filmit Holandez

Filmi “T’padashtun”, që flet për nevojën e të qenit i pranuar dhe ngjarjen e bazon në një histori nga lufta e fundit në Kosovë, do të shfaqet në ekranin e Festivalit të Filmit Holandez.

Bashkëprodhimi ndërmjet Kosovës e Holandës, i realizuar nga regjisori Edon Rizvanolli, është bërë pjesë e edicionit të 37-të të “Netherlands Film Festival”, që ishte themeluar më 1981 nga filmbërësi Jos Stelling, i cili në fillim e kishte quajtur “Ditët e filmit holandez”, shkruan sot “Koha Ditore”.