Artisti i lindur në Paris, Emeric Lhuisset, ka rikrijuar një vepër të famshme arti të shekullit XIX duke përdorur një grup ushtarësh ukrainas. Lhuisset ka thënë se ushtarët e Brigadës së 112-të të Mbrojtjes Territoriale rikrijuan “Përgjigjen e Kazakëve Zaporozhian” (1880-1891) nga artisti me origjinë ukrainase Ilya Repin, i cili tregon kazakët ukrainas duke i dhënë një përgjigje fyese një ultimatumi nga Sulltani i Perandorisë Osmane.
Lhuisset ka treguar se ai kaloi një vit në projekt, duke përfshirë gjetjen e 40 ushtarëve dhe rregullimin e formacionit.
“Një riprodhim e nisa gjatë revolucionit të Maidanit – i cili u zhvillua në Ukrainë në shkurt 2014 – dhe është ulur si magnet në derën e frigoriferit tim që nga viti 2014”, ka treguar Lhuisset në një deklaratë. Në një postim në “Instagram”, Lhuisset tregon se si e ka bashkuar projektin.
“Kjo pikturë, kaq e rëndësishme në narrativën kombëtare të Ukrainës, është në koleksionin e Muzeut Shtetëror Rus në Shën Petersburg” shtoi ai. “Kultura është një armë në një fushë beteje të gjerë, le të mos përpiqemi ta harrojmë”.
Versioni i tij i imazhit paraqet Roman Hrybov, një rojë kufitare ukrainase, i cili po shërbente në ishullin e gjarpërinjve që ndodhet në Detin e Zi kur u bombardua në ditën e parë të pushtimit rus të Ukrainës në shkurt të vitit të kaluar. Për atë ngjarje, ai thotë: “Menjëherë më vjen ndërmend reagimi i Kazakëve Zaporozhianë ndaj Sulltanit osman që i urdhëronte ata të nënshtroheshin, të përjetësuar nga Ilya Repin”.
Në fillim të këtij viti, kuratorët në Muzeun Metropolitan të Artit në New York riklasifikuan Ilya Repin si ukrainas së bashku me dy artistë të tjerë, Ivan Aivazovsky dhe Arkhyp Kuindzhi. Të tre ishin etiketuar më parë si rusë.
Në vitin 2020, Lhuisset ishte marrësi i 15-të i Çmimit Ndërkombëtar të Fotografisë në “British Journal of Photography” me seritë e tij të kombinuara “Teatri i Luftës” dhe “L'Autre Rive”.
Imazhet ekzaminojnë “imazhin teatror të konfliktit, duke vënë në skenë luftëtarë të vërtetë guerilë kurdë në mjedise lufte për të mjegulluar kufijtë midis artit dhe gazetarisë”, kishte vlerësuar juria.
“Në seri Lhuisset merr në pyetje imazhin e dramatizuar të konfliktit duke inskenuar grupe autentike guerile kurde në sfondin e zonave të vërteta të luftës”.
© KOHA. Të gjitha të drejtat janë të rezervuara.
