(Art News) – Pjesëmarrësit në edicionin e parë të “Art Basel” në kryeqytetin francez kanë raportuar se deri të premten janë shitur vepra arti me vlerë milionadollarëshe, duke dëshmuar potencialin se panairi mund të ketë fuqi të qëndrueshme.
Galeritë kanë sjellë në panair vepra të llojllojshme, nga artistë në ngritje e deri tek veprat e vjetra të gjigandëve të historisë së artit të viteve të mëparshme. Megjithatë, ishin talentët e njohur ndërkombëtarë që duket se kanë arritur më shumë sukses dhe jo artistët e lidhur me skenën franceze.
Përkundër kësaj, galeritë franceze thanë se janë të entuziazmuar për panairin ndoshta më shumë sesa në “FIAC”, panairi i artit francez me traditë të gjatë që u përzu nga vendi i tij dhe ku ka zënë vend “Art Basel” këtë vit.
“Ne jemi befasuar nga numri i të ftuarve në edicionin e parë, numri i koleksionistëve është kufizuar për metër katror”, ka thënë në një deklaratë Anne-Claudie Coric, drejtoreshë ekzekutive e galerisë “Templon”. “Kishin vizitorë nga Shtetet e Bashkuara, Amerika Latine, Kina. Pamë njerëz nga Turqia. Nuk kemi parë kurrë entuziazëm të tillë, një emocion për ‘FIAC-in’ e mëparshëm, dhe kjo është një arsye”.
Joan Mitchell është në momentet e shfaqjes së suksesshme në fondacionin “Louis Vuitton” që ngre pozitën antihistorike duke vendosur krah për krah veprën e tij dhe të Claude Monet. Energjia duket se është ndier edhe në shtandin e David Zwirner në “Paris+”, ku piktura “Border” (1989) e Mitchell thuhet se u shit për 4.5 milionë dollarë. Kjo është afërsisht një e katërta e 16.6 milionë dollarëve që solli një vepër e Mitchell-it nga viti 1959 në edicionin zviceran të “Art Basel” më 2018, por dallimi mund të shpjegohet pjesërisht me faktin se “Border” daton në pjesën e mëvonshme të karrierës së Mitchell-it, dhe jo deri në epokën e pasluftës. “Border” ishte bërë pjesë e një koleksioni privat, ka thënë David Zwirner.
Nuk është hera e parë për këtë vit që Hauser & Wirth kanë raportuar se kanë shitur për miliona dollarë veprën e George Condo në një panair. Sipas galerisë, piktura e tij “The Dream” realizuar në vitin 2022, me pamjen e një fytyre të shtrembëruar si frymëzim nga Picasso, u shit për 2.65 milionë dollarë. Kjo është pak më pak se 2.8 milionë dollarë që Condo ka grumbulluar në shtandin e “Hauser & Wirth’s Frieze Seoul” gjatë muajit të kaluar.
Në ditën e hapjes, galeria “Kamel Mennour” në Paris ka raportuar se kishte shitur dy skulptura të Alberto Giacometti. “Composition” (1927-28) u shit për 2.75 milionë dollarë, ndërsa “Figurine” (1953-54) u shit për 1.43 milionë dollarë. Asnjëra nga këto shifra nuk u afrohet shumave që Giacometti mund të fitojë në bllokun e ankandit, por në “Paris+” të dyja renditen ndër veprat më të shtrenjta në panair.
Skulpturat minimaliste prej qelqi të Roni Horn-it kanë dëshmuar rregullisht suksese në panaire, ndryshe nuk ka rezultuar as në “Paris+”. Xavier Hufkens ka raportuar se kishte shitur një vepër për 1.3 milionë dollarë. Vepra ka emër intrigues: Pa titull(“Isha mbajtës i jastëkëve të Lartësisë së tij më virtuoz për njëzet e gjashtë vjet. E shoqërova Madhërinë e tij në udhëtime nëpër botë..., Madhëria e tij nuk mund të shkonte askund pa mua...). Çmimi i tij është vetëm 100.000 dollarë më shumë se ai për skulpturën e Horn-it që anëtari i “BTS” bleu kohët e fundit.
Abstraksionet e Robert Ryman-it duket se kanë qenë hit në “Paris+”, të cilat u shfaqën në shtandet e David Zwirner dhe Pace. Zwirner tha se ka zhvendosur një pikturë të patitulluar të vitit 1963 nga Ryman për 3 milionë dollarë, ndërsa Pace raportoi se ka shitur “Surface Veil” (1970) për 900 mijë dollarë. “Surface Veil” është pjesë e një serie në të cilën Ryman ka pikturuar në një panel tekstili me fije qelqi dhe ku ka ngjitur copa shiriti. Punime të ngjashme mbahen në Muzeun e Artit Modern në San Franciskos, në muzeun “Guggenheim” dhe në institucione të tjera.
Në moshën 92-vjeçare, Günther Uecker ende prodhon pjesë të përbëra prej gozhde që kombinohen për të formuar abstraksione që shtrembërojnë perceptimin. “LGDR” që ka një hapësirë në Paris, përveç atyre në Londër, Hong-Kong dhe Nju-Jork, ka thënë se ka shitur një vepër të re nga Uecker për 850 mijë dollarë. Talenti i rritur në Francë nuk dukej se ia dilte aq mirë në shtandet e galerisë. Kjo e fundit ka thënë se kishte në ofertë një pikturë të re të Martial Raysse që u shit për 170 mijë dollarë, çmim që është rreth një e pesta e shumës së Uecker-it. Është edhe më ironike duke pasur parasysh se Raysse ka pasur retrospektivë në qendrën “Pompidou”, muzeu më i mirë i artit modern në Paris, dhe Uecker jo.
Galeria “Templon” një nga shumë galeritë e themeluara në Paris, ka raportuar shitjet e veprave të shumta nga Michael Ray Charles, artist nga Teksasi, vepra e të cilit është aktualisht në muzeun “Quai Branly” në kryeqytetin francez. Ata janë shitur nga 140 mijë deri 200 mijë dollarë (138 mijë dhe 196 mijë dollarë) secila. Ishte edhe një rast tjetër ku artistët e njohur nuk ia dolën aq mirë. “Templon” solli në panair gjithashtu një pikturë të Gerard Garoustes, i cili po punon në një retrospektivë në qendrën “Pompidou”; piktura e tij u shit për vetëm 95 mijë euro.
Anicka Yi është bërë një superyll i botës së artit me skulptura që përfshijnë materiale organike. Tani për tani në Nju-Jork është duke u mbajtur një ekspozitë në galerinë “Gladstone” me piktura prej akriliku që ngjajnë me vezët dhe lëkurat e peshkut; duken shumë si art i krijuar nga ai. Një vepër nga ajo seri u shfaq në shtandin e “Gladstones” në “Paris+”. Galeria ka raportuar se ajo u shit për 150 mijë dollarë, shumë jo aq e dobët për një artist, por që ky numër as nuk i afrohet rekordit të ankandit.
© KOHA. Të gjitha të drejtat janë të rezervuara.
