Kulturë

Irene Papas – hyjnesha me rrënjë shqiptare e mbretërisë së filmit

Irene Papas (3 shtator të vitit 1926 – 14 shtator 2022) në rolin e Helenës në “The Trojan Women” (1971)

Shkëlqimi i saj në sheshxhirime kapi majat sidomos në vitet ’60 dhe ’70. Qe vlerësuar e konsideruar si yll i kinematografisë botërore. Këtë nivel ia jepnin rolet e saj bashkë me çmimet që kishte. Në këto anë, sidomos në ish-Jugosllavi, përfshirë edhe në Kosovë, famën më të madhe do ta merrte në fund të viteve ’60, kur aktori nga Kosova, Bekim Fehmiu, bashkë me Papas ishin personazhet kryesore të serisë televizive “Odiseu”. Irene Papas vdiq të mërkurën. Ajo ishte 96-vjeçare. Mediat prestigjioze në botë gjatë gjithë ditës e kanë portretizuar atë si një prej yjeve më të ndritshme të kinematografisë në mbarë globin.

 

Si yll botëror, ikonë e filmit, hyjneshë e artit, është portretizuar në ditëvdekjen e saj Irene Papas. Për shqiptarët ajo është aktore me prejardhje shqiptare. Një gjë të tillë e kishte thënë tërthorazi edhe gjatë kohës kur bashkë me të madhin Bekim Fehmiu përjetësuan Uliksin e Penelopën te seria “Odiseu”. “’Di të flasësh shqip? – e pyes. ‘Jo, por jam me origjinë shqiptare – më tha Irena’”, shkruan Bekim Fehmiu në “Shkëlqim dhe tmerr”. “Bota ka mbetur pa Penelopen (Eirinë) që priste Odisenë (Bekimin), pa gruan që në vete bartte gjithë tragjiken dhe bukurinë e Ilirikut e Heladës, pa vajzën nga Korinti me prejardhje shqiptare... Pa mbretëreshën e kinematografisë greke dhe asaj botërore, pa zonjën e madhe Irene Papas”, ka thënë regjisori Agim Sopi

Shkëlqimi i saj në sheshxhirime kapi majat sidomos në vitet ’60 dhe ’70. Qe vlerësuar e konsideruar si yll i kinematografisë botërore. Këtë nivel ia jepnin rolet e saj bashkë me çmimet që kishte. Në këto anë, sidomos në ish-Jugosllavi, përfshirë edhe në Kosovë, famën më të madhe do ta merrte në fund të viteve ’60, kur aktori nga Kosova, Bekim Fehmiu, bashkë me Papas ishin personazhet kryesore të serisë televizive “Odiseu”. Irene Papas vdiq të mërkurën. Ajo ishte 96-vjeçare. Mediat prestigjioze në botë gjatë gjithë ditës e kanë portretizuar atë si një prej yjeve më të ndritshme të kinematografisë në mbarë globin.

Lajmi për vdekjes e aktores që tash e pesë vjet po vuante nga një sëmundje jo e lehtë është dhënë nga Ministria e Kulturës në Greqi. Për shqiptarët ajo është aktore me prejardhje shqiptare. Një gjë të tillë e kishte thënë paksa tërthorazi edhe gjatë kohës kur bashkë me Bekim Fehmiun ishin sheshxhirimeve.