Kulturë

Ylli Dua Lipa, në Prishtinë për “Sunny Hill” dhe ëndrrat e mëdha

“Është një ndjesi shumë e mirë të përformoj në Prishtinë. Nuk ka ndjenjë më të mirë sesa të përformoj në qytetin tim”, ka thënë të enjten, Dua Lipa, në konferencë për media, disa orë para sa ta pushtojë skenën e festivalit “Sunny Hill” (Foto: Alban Bujari)
 

“Dua të ju shpreh mirënjohjen për të gjithë mbështetjen, që ma jepni. E ndjej këtë mbështetje në të gjithë botën. S’ka rëndësi se sa ëndërr të madhe keni, ju mund t’ia dilni nëse e mbani mendjen aty. Vazhdoni të ëndërroni, sepse çdo gjë është e mundur”, ka thënë këngëtarja botërore Dua Lipa, në konferencë për media pak orë para se të shndrisë edhe në skenën e “Sunny Hill Festival”. Ajo ka qenë ylli kryesor i natës së parë të festivalit katërditor, që ka nisur të enjten mbrëma në Prishtinë

Provat gjatë ditës kanë qenë një test teknik, por edhe kanë treguar se bëhet fjalë për koncert, që s’ka pikë dallimi me skenat botërore. Energji kulmore, Dua Lipa, ka paraqitur edhe gjatë një konference për media disa orë para koncertit. Në “Sunny Hill Festival” ka qenë kulmi.

Ylli botëror i pop-muzikës, në një paraqitje para gazetarëve, është dukur tejet e lumtur, që është kthyer për të interpretuar në Prishtinë. Ka konfirmuar se ndjenja e performimit në qytetin prej nga edhe vjen, nuk zëvendësohet asnjëherë.