Arkeologët në Holandë zbuluan një tempull romak në shtetin Gelderland, njoftuan zyrtarët qeveritarë nëpërmjet një deklarate.
Struktura e tempullit ishte relativisht e paprekur, sipas Agjencisë holandeze të trashëgimisë kulturore, dhe objektet e lidhura me të janë shfaqur tashmë në Muzeun Valkhof të fokusuar në arkeologji në Nijmegen.
Tempulli u gjet përgjatë “Limes Romake”, vija kufitare e Perandorisë Romake në shekullin II të erës sonë, e cila u shpall edhe Trashëgimi Botërore nga UNESCO-ja vitin e kaluar. Të paktën dy tempuj të tjerë fillimisht ishin vendosur aty pranë, sipas arkeologëve.
Vendi ishte zbuluar nga një organizatë arkeologjike e udhëhequr nga vullnetarët, e cila e njoftoi Qeverinë holandeze për gjetjen vitin e kaluar.
Tempulli i sapozbuluar ishte funksional midis shekullit I dhe shekullit IV të erës sonë, sipas Agjencisë holandeze të trashëgimisë kulturore, dhe do të frekuentohej nga ushtarë romakë që mbronin kufirin kundër fiseve fqinje gjermane.
Peter Drenth, komisionari i Agjencisë së trashëgimisë, në një deklaratë u shpreh se tempulli ishte “një vend i bukur” dhe se kërkimet arkeologjike në të do të vazhdojnë.
Në vend u gjetën gjithashtu disa dhjetëra gurë që fillimisht do të kishin funksionuar si altarë. Ata ishin vendosur atje dhe sipas Agjencisë holandeze e trashëgimisë kulturore “nga ushtarë të rangut të lartë për të përmbushur një zotim të caktuar”. Disa iu kushtuan hyjnive si Jupiteri dhe Merkuri.
Këta gurë ishin vendosur nga askush tjetër përveç vetë anëtarëve të ushtrisë dhe mund të ketë pasur gjithashtu një pus të madh aty pranë. Gurët shërbenin një funksion të rëndësishëm për ushtarët.
“Ata falënderuan një Zot apo perëndeshë për përmbushjen e dëshirës së tyre”, ka sqaruar Agjencia e trashëgimisë kulturore. / ArtNews
© KOHA
