Kulturë

“Një pikë gjaku” konkurron në festivalin për të drejtat e njeriut

Filmi që trajton përballjen e një shoqërie me traditën e modernen, i regjisorit kosovar Bekim Guri, do të shfaqet në një festival që ka lindur si mënyrë e re e edukimit të njerëzve për konceptet e së drejtës humane.

Filmi i shkurtër “Një pikë gjaku”, që nëpërmjet tre personazheve prek tema të ndjeshme - siç janë virgjëria, emancipimi i gruas, dhuna që i shkaktohet asaj - është në programin e Festivalit Ndërkombëtar të Filmit për të Drejtat e Njeriut në Shqipëri. Festivali sivjet mban edicionin e dymbëdhjetë, shkruan sot “Koha Ditore”.