Kulturë

Arkeologët pretendojnë se zbuluan bizhuteritë më të vjetra në botë

Ekipi gjeti 33 rruaza guacash, të cilat pretendohet se datojnë midis 142 mijë dhe 150 mijë vjet më parë
 

Arkeologët që punojnë në shpellën “Bizmoune” në jugperëndim të Marokut javën e kaluar publikuan një zbulim befasues në “Science Advances”. Ata kanë zbuluar atë që besohet të jetë bizhuteria më e vjetër në botë. Ekipi gjeti 33 rruaza guaca, të cilat pretendohet se datojnë midis 142 mijë dhe 150 mijë vjet më parë.

Rruazat u gjetën gjatë periudhës 2014 - 2018, në kohën kur ekipi po punonte për të konfirmuar një datë të saktë për artefaktet përmes analizave shkencore. Studimi, i udhëhequr nga El Mehdi Sehasseh, një student i diplomuar në Institutin Kombëtar të Shkencave Arkeologjike dhe Trashëgimisë në Rabat, përfshiu analizimin e uraniumit dhe vrojtimin se kur ishin depozituar rruazat në shtresat e sedimentit, gjë që u dha studiuesve të dhëna për të kuptuar me pas se në çfarë periudhe ishin punuar bizhuteritë.