Kulturë

Greqia me notë proteste ndaj Shqipërisë, ekspozitën për çamët e quan provokim

Presidenti i Shqipërisë, Ilir Meta, ka qenë i ftuar më 15 nëntor për të vizituar ekspozitën “Vështrim historik etnokulturor i Pellzagjisë-Epiri-Thesproti-Çamëri”, që përmbante fotografi dhe harta të vjetra, mijëravjeçare, të gjetura në enciklopeditë dhe muzetë e vendeve të ndryshme të botës
 

Ambasada greke në Tiranë ka dërguar një notë proteste në adresë të Presidencës së Shqipërisë dhe menjëherë ka kërkuar shpjegim lidhur me këtë ekspozitë. Bëhet me dije se Ambasada greke ka kërkuar shpjegime për vetë faktin se këto fotografi të cilat janë ekspozuar në gardhin e jashtëm të Presidencës shqiptare, shoqërohen me akuza ndaj Greqisë për “gjenocidin e çamëve”, si dhe me harta që tregojnë pjesën më të madhe të Greqisë si “trojet e pushtuara shqiptare”

Greqia ka lëshuar një notë të protestës diplomatike drejtuar Presidencës së Republikës së Shqipërisë për një ekspozitë, sipas saj provokuese, ku prezantoheshin foto dhe harta me temën, siç e cilëson, të ashtuquajturit “gjenocidi i Çamërisë”, por edhe të “pushtimit të territoreve shqiptare nga Greqia”.

Presidenti i Shqipërisë, Ilir Meta, ka qenë i ftuar më 15 nëntor për të vizituar ekspozitën “Vështrim historik etnokulturor i Pellzagjisë-Epiri-Thesproti-Çamëri”. Ekspozita përmbante fotografi dhe harta të vjetra, mijëravjeçare, të gjetura në enciklopeditë dhe muzetë e vendeve të ndryshme të botës. Kjo ekspozitë ishte organizuar nga Akademia “Rrënjët Tona” dhe shoqëria civile.