Kulturë

Dokumentari “Fantazmat e Afganistanit” vë në pah shpresat e humbura

Filmi i cili portretizon ndarjet në shoqërinë afgane, si dhe pretendimet e rreme të Qeverisë, u shfaq në Festivalin e Filmit për të Drejtat e Njeriut në Berlin
 

Dokumentari “Fantazmat e Afganistanit” (Ghosts of Afghanistan), i shfaqur në Festivalin e Filmit për të Drejtat e Njeriut në Berlin, përcjell rrëfimin e korrespondentit kanadez të luftës Graeme Smith që kthehet në Afganistan dhe viziton njerëz të ndryshëm që janë përfshirë në rindërtimin e vendit ose që mund të ofrojnë një perspektivë të brendshme mbi kontekstin social dhe politik.

Ndarjet e thella në Afganistan janë veçanërisht të dukshme nëpërmjet perspektivës së grave të ndryshme të intervistuara për film. Midis tyre është edhe Shaharzad Akbar, mbështesja më e madhe e të drejtave të njeriut në vend, e cila denoncoi abuzimin si nga talebanët ashtu edhe nga Qeveria.