Kulturë

Dyshja virtuoze franceze përmbyll “ReMusican” e tingujve për ditë të reja

Violinisti Pierre Fouchenneret dhe pianisti Theo Fouchenneret në koncertin përmbyllës të “ReMusicas”

Festivali “ReMusica” ka përmbyllur dekadën e vet të dytë. Rrugëtimi i sivjetmë muzikor ka përfunduar me koncertin e dy vëllezërve francezë: violinistit Pierre Fouchenneret dhe pianistit Theo Fouchenneret. Ekipi i Festivalit shpreson që kapitulli i ri t’i gjejë duke festuar së bashku me publikun

 

Festivali “ReMusica” ka përmbyllur dekadën e vet të dytë. Rrugëtimi i sivjetmë muzikor ka përfunduar me koncertin e dy vëllezërve francezë: violinistit Pierre Fouchenneret dhe pianistit Theo Fouchenneret. Ekipi i Festivalit shpreson që kapitulli i ri t’i gjejë duke festuar së bashku me publikun

Që në fillim të rrugëtimit, festivali “ReMusica” ide themelore e pati popullarizimin e muzikës bashkëkohore. Kështu ishte edhe në këtë edicion, i cili bëri bashkë artistë të mëdhenj vendas dhe të huaj. Edicioni jubilar me moton “Rikthim para”, ka hedhur një vështrim në arritjet e deritanishme, si themel i vlefshëm për atë që pason. Kapitulli i sivjetmë u përmbyll me koncertin e dy vëllezërve francezë: violinistit Pierre Fouchenneret dhe pianistit Theo Fouchenneret.

Dyshja i dha përmbylljes delikatesën franceze, me koncertin që u titullua “The Franch Touch”. Pierre është një nga violinistët më të mirë francezë që u bë i njohur si i ri. Ndërkaq vëllai i vogël, pianisti Theo, i cili shkurt iu drejtua publikut para fillimit të koncertit, njihet për lojën e tij virtuoze dhe bashkëpunime me festivale e artistë të njohur.