Kulturë

“Pa vend” me çmim në Toronto mban ritmin e sukseseve, niset drejt “Oscarit”

Skenë nga filmi “Pa vend”

“Pa vend” ia ka mësyrë që të bëjë vend edhe në ceremoninë më prestigjioze të botës ku ndahen çmimet për kinematografi, atë “Oscars”. “Vizën” që filmi të jetë në listën e titujve që do të shikohen nga anëtarët e Academy Awards për nominimet e këtij viti, projektit të Kosovës ia ka dhënë Torontoja.

 

Që filmat e Kosovës të garojnë nëpër festivalet më të mëdha të filmit nëpër botë, është bërë pothuajse e zakonshme, dhe ky vit e vulosi këtë. Por kapitulli nuk përfundon me kaq. Tash synohet kulmi, çmimi “Oscar”. E rruga drejt tij, filmit “Pa vend” tashmë i është hapur, pas triumfit në “Toronto International Film Festival”. “Është çmimi më i rëndësishëm që kam pranuar deri më sot”, ka thënë për KOHËN regjisori i këtij filmi, Samir Karahoda. “Krejt ata që kanë pasur sukses sivjet e kanë ofruar penalltinë e tash duhet të japim gol. Për këtë duhet të kemi sa më shumë njerëz dhe nëse e huqim këtë penallti, do ta humbasim lojën”, ka thënë producenti Eroll Bilibani

“Pa vend” ia ka mësyrë që të bëjë vend edhe në ceremoninë më prestigjioze të botës ku ndahen çmimet për kinematografi, atë “Oscars”. “Vizën” që filmi të jetë në listën e titujve që do të shikohen nga anëtarët e Academy Awards për nominimet e këtij viti, projektit të Kosovës ia ka dhënë Torontoja.

“Pa vend” është fituesi i Çmimit për filmin më të mirë të shkurtër në Festivalin Ndërkombëtar të Filmit në Toronto. Në mesin e 38 filmave nga 23 shtete, filmi nën regji të Samir Karahodës ka marrë “IMDbPRO Short Cuts Award for Best Film”. Kësisoj, me automatizëm është kualifikuar për rrugën e mëtejme për “Oscars”.