Kulturë

Shikues në lundrim përballë mesazheve për të rinjtë nëpërmjet animacionit

Skenë nga “See Me”, njëri nga animacionet e garës ndërkombëtare që është shfaqur të hënën në “Kino Liqeni”

“Nuk ma ka marrë mendja kurrë…”, ka thënë ende pa iu bërë asnjë pyetje, me të zbritur nga barka prej gome. Komenti i tij ka ardhur si përgjigje ndaj shikimit që ia bënin miqtë e tij. Dritan Berisha është prej atyre që për herë të parë ka shikuar film në projektor kinemaje duke lundruar. E pikërisht kjo është një prej arsyeve që “Anibar” nuk është thjesht një festival ndërkombëtar i animacionit, por shumë më tepër.

 

Pos shpalosjes së botës, “Anibari” ofron mundësi për përjetime unike. Njëri prej tyre: të shikosh filma duke lundruar me barka prej gome. E ata që kanë zgjedhur që të hënën të ndalen në “Kino Liqeni” kanë pasur mundësi që nëpërmjet animacioneve të garës ndërkombëtare të kapin mesazhe e thirrje për vëmendje e kujdes ndaj të rinjve. Animatori franko-gjerman Frédéric Schuld ka sjellë përvojën e tij me ligjëratën “Dokumentarët e animuar”, teksa ka folur edhe për krijimtarinë që mori hov në izolim

“Nuk ma ka marrë mendja kurrë…”, ka thënë ende pa iu bërë asnjë pyetje, me të zbritur nga barka prej gome. Komenti i tij ka ardhur si përgjigje ndaj shikimit që ia bënin miqtë e tij. Dritan Berisha është prej atyre që për herë të parë ka shikuar film në projektor kinemaje duke lundruar. E pikërisht kjo është një prej arsyeve që “Anibar” nuk është thjesht një festival ndërkombëtar i animacionit, por shumë më tepër.

Përderisa mundësitë janë të panumërta, interesimi për të qenë pjesë e grupit të vullnetarëve, publikut apo edhe ndejave, veç është në rritje e sipër. Sidomos në edicionin e parë pas një viti pandemik me masa të rënda sa i përket lirisë së lëvizjes, festivali është “vërshuar”.