Kulturë

Forumi kundërthënës i Humboldtit hap dyert

Foto: Një pamje nga oborri i brendshëm, Schlüterhof, në Forumin Humboldt në Berlin
 

Pas vonesash ndër vite, Forumi i ri i Humboldit në Berlin më në fund ka mirëpritur publikun, megjithëse ende vazhdon të jetë në qendër të debatit mbi kolonializmin dhe koleksionet muzeale

(Deutsche Welle) – Në brigjet e lumit Spree mes urës së Brandenburgut dhe Alexanderplatzit, një ngrehinë e re masive lartohet në qiellin e Berlinit. Ajo rri aty ku dikur ishte Pallati i Qytetit, mbetjet e të cilit, të dëmtuara nga lufta, u hodhën në erë më 1950 dhe u zëvendësuan nga Pallati i Republikës në Gjermaninë Lindore. Në Forumin e sapondërtuar të Humboldit, që ka hapur dyert të martën, gjithçka ka ende erë fresku.

Vetëm pak ditë më parë, stacioni i ri hekurudhor u hap këtu me goxha pompozitet: ai mundëson qasje te Museumsufer apo “Bregu i muzeut”.