Kulturë

“GRANFest” për fuqizimin e grave nëpërmjet artit të nëntë

Synim i “GRANFestit” të sivjetmë i cili do të mbahet prej 8 deri më 10 tetor është prezantimi i mjeshtërve të artit të nëntë dhe ngjallja e kureshtjes dhe dëshirës për krijim. Por sivjet është edhe një pikë kryesore: fuqizimi i grave nëpërmjet artit

Artistë e adhurues të romanit grafik këtë vit do të ribashkohen me “GRANFestin”, Festivali Ndërkombëtar i Romanit Grafik, i vetmi i këtij lloji në Kosovë. Doajeni i romanit grafik Horacio Altuna është vetëm njëri nga mysafirët e këtij edicioni që gjithashtu do të shpalosë edhe krijimtarinë e artistit Andrija Mauroviq, që shpesh është quajtur edhe si babai i romanit grafik të Kroacisë e të Jugosllavisë

 

Artistë e adhurues të romanit grafik këtë vit do të ribashkohen me “GRANFestin”, Festivali Ndërkombëtar i Romanit Grafik, i vetmi i këtij lloji në Kosovë. Doajeni i romanit grafik Horacio Altuna është vetëm njëri nga mysafirët e këtij edicioni që gjithashtu do të shpalosë edhe krijimtarinë e artistit Andrija Mauroviq, që shpesh është quajtur edhe si babai i romanit grafik të Kroacisë e të Jugosllavisë

Gani Jakupi, artisti shqiptar që jeton në Barcelonë, njëri nga ideatorët e organizatorët e “GRANFestit”, ka treguar se ditët e fundit nuk ka pasur mundësi të pushojë. Me bashkëthemeluesit e Festivalit, Jeton Nezirajn e Agron Bajramin, i janë përveshur punës për të sjellë edicionin e tretë të Festivalit Ndërkombëtar të Romanit Grafik në Prishtinë. Ani pse lokacioni i saktë se ku do të mbahen aktivitetet ende nuk është caktuar përfundimisht, datat e misionit të sivjetmë tashmë dihen.

Synim i Festivalit prej 8 deri më 10 tetor është prezantimi i mjeshtërve të artit të nëntë dhe ngjallja e kureshtjes dhe dëshirës për krijim. Por sivjet është edhe një pikë kryesore: fuqizimi i grave nëpërmjet artit. Këtë e ka bërë të ditur pikërisht Jakupi, i cila ka zbuluar edhe emrat e mysafirëve të këtij edicioni.