Kulturë

“Dy ditarë”– dokumentimi unik i jetës në vitet jonormale

Vjosa Shala – Loca, në përurimin e platformës “Dy ditarë”, të mërkurën në Lapidariumin e Muzeut Kombëtar të Kosovës: “Edhe pse na është privuar liria për me ecë, edukimi, prindërit na i kanë larguar nga puna, ne jemi munduar që të jetojmë një jetë normale në kushte jonormale”

Mënyra e dokumentimit të historisë ka evoluar në krejt botën. E në Kosovë, janë pikërisht dy ditarë të Vjosa Shalës – Loca, të publikuar online, që kanë bërë një hap drejt arkivimit digjital të përvojave personale, por që krijojnë lidhshmëri e ndikojnë në ruajtjen e kujtesës kolektive. Ditarët janë të mbushur me copëza gazete, me fotografi, detyra të matematikës, vizatime e ftesa për ndeja. Ofrojnë një vështrim unik të një vajze që rritet në Kosovë në fund të viteve ‘80 dhe ’90, duke shpalosur njëkohësisht edhe historinë e vendit, veçanërisht ditët e vështira të luftës që mbërtheu vendin.

 

Nëpërmjet artikujve të gazetave, fotografive, detyrave të matematikës, vizatimeve, posterëve a ftesave për ndeja, Vjosa Shala – Loca “shënonte” ditët. Kështu vazhdoi për ditë, muaj e vite, deri në një dekadë. Sot ditarët e saj janë si një artefakt për periudhën prej vitit 1988-1999. Janë arkivuar edhe virtualisht, për t’u ndarë me publikun që mund të bëhet pjesë e ditarit, duke lënë komente. Faqet e ditarit, siç shkruhet në përshkrim të platformës, janë dokumentim i shpresës, ambicies, frikës, humbjes, shtypjes sistematike, protestave, dhunës, festave, dhe punkut. Tash nuk janë vetëm shënimet e një vajze nga Prishtina, por kapitull i kujtesës kolektive

Mënyra e dokumentimit të historisë ka evoluar në krejt botën. E në Kosovë, janë pikërisht dy ditarë të Vjosa Shalës – Loca, të publikuar online, që kanë bërë një hap drejt arkivimit digjital të përvojave personale, por që krijojnë lidhshmëri e ndikojnë në ruajtjen e kujtesës kolektive. Ditarët janë të mbushur me copëza gazete, me fotografi, detyra të matematikës, vizatime e ftesa për ndeja. Ofrojnë një vështrim unik të një vajze që rritet në Kosovë në fund të viteve ‘80 dhe ’90, duke shpalosur njëkohësisht edhe historinë e vendit, veçanërisht ditët e vështira të luftës që mbërtheu vendin.

Përderisa shumëkush ditarët i mban të strukur në vendin më të sigurt, Loca i ka bërë të qasshëm edhe online. Lansimi i platformës u bë të mërkurën në Lapidariumin e Muzeut Kombëtar të Kosovës. Aty, përmes disa kompjuterëve, publikut iu bë e mundshme qasja në ditarë, të cilët, ashtu siç shkruhet në përshkrimin e bërë në faqen zyrtare të projektit – “www.twojournals.com” – janë dokumentim i shpresës, ambicies, frikës, humbjes, shtypjes sistematike, protestave, dhunës, festave dhe punkut. Ajo nuk shkruan aty, por nëpërmjet copëzave të gazetave a materialeve të tjera, përthekon dekadën prej këndvështrimit të saj. Më pas, i ka ftuar të tjerët të komentojnë.