Kulturë

Maturantët e artit pamor pa mundësi në Fakultetin e Arteve në Pejë

Për maturantët e pesë drejtimeve ekzistuese në shkollën e mesme të arteve aplikative “Odhise Paskali”, Fakulteti i Arteve në Pejë, nuk ofron mundësi për të studiuar

Shkolla e mesme e arteve aplikative “Odhise Paskali” në Pejë ka emër e traditë 71-vjeçare, por 87 maturantët e këtij viti shkollor duhet t'ua mësyjnë studimeve jashtë qytetit të tyre. Peja ka Fakultet të Arteve, por s’ka drejtime për arte pamore

 

Shkolla e mesme e arteve aplikative “Odhise Paskali” në Pejë ka emër e traditë 71-vjeçare, por 87 maturantët e këtij viti shkollor duhet t'ua mësyjnë studimeve jashtë qytetit të tyre. Peja ka Fakultet të Arteve, por s’ka drejtime për arte pamore

Në shkollën e mesme të arteve aplikative “Odhise Paskali” në Pejë, maturantët e pesë drejtimeve ekzistuese, të mërkurën ishin nën ethet e mbrojtjes së temës së diplomës. Ato përziheshin edhe në mendimet dhe ëndrrat e këtyre talenteve të pikturës, dizajnit të tekstilit, enterierit, grafikës dhe qeramikës, se cilën rrugë ta ndjekin.

Jo pak prej tyre ende kërkojnë drejtimin që do ta vazhdojnë. E disa të tjerë veç kishin bërë plane se ku do të studiojnë, si maturantja e dizajnit të tekstilit, Bleonda Morina. Ka vendosur të marrë rrugë për në Turqi, për të studiuar atje drejtimin e njëjtë që ka përfunduar në shkollën e arteve në Pejë.