Kulturë

Violeta Rexhepagiqi – ikona që frymëzon edhe sot

Violeta Rexhepagiqi – ikona që frymëzon edhe sot
Portreti i Violeta Rexhepagiqit (16 shkurt 1975 – 16 prill 2020) para Ministrisë së Kulturës, më 17 prill 2020 kur u bënë homazhet në nderim të saj

Në të gjallë e posteritet, ajo ishte krahasuar me emra kumbues, si Kate Bush, Guesch Patti, Debbie Harry e Siouxsie Sioux.

 

Të gjithë thonë dhe e pranojnë: Viki ishte “përtej kohës” së saj. Kjo vetmi prej avangardisteje nuk vinte vetëm nga stili i veçantë, performancat e veçanta apo eksperimentimi muzikor në një kohë që nuk ishte ideale thuajse për asgjë. Për dikë, Violeta Rexhepagiqi ishte, sikurse koncepti i Tarkovskit për “Hamletin”, një njeri i së ardhmes i dënuar të jetojë në mesin e bashkëkohësve fizikë në të tashmen. “Ajo vendosi një standard të thyerjes së kufijve provincialë në një kohë dhe në një vend ku diçka e tillë nuk ishte aspak e thjeshtë”, vlerëson këngëtari Shpat Deda. E tërhequr relativisht herët nga skena muzikore, ajo rrezatoi shumëçka nga “hubrisi” i saj edhe në gazetari, madje në kohërat kur luftërat po errësonin qiellin e njerëzisë

Në të gjallë e posteritet, ajo ishte krahasuar me emra kumbues, si Kate Bush, Guesch Patti, Debbie Harry e Siouxsie Sioux.

E sprovuar nga fundvitet ’80 me zhanret alternative të valës së re muzikore, Violeta Rexhepagiqi ishte përfundimisht artistja e parë femër që eksperimentoi me stilin e saj. Me këngë shqipe doli edhe para jurisë jugosllave teksa muzika e saj po merrte primesa edhe të revoltës artistike.