Kulturë

Veshja e Hasit pasuron Muzeun Etnologjik me kolorit, traditë e mjeshtri

Veshja e Hasit pasuron Muzeun Etnologjik me kolorit, traditë e mjeshtri
Veshja e gruas së Hasit në ditën e dorëzimit është ekspozuar në mes të dhomës së madhe në shtëpinë e zjarrit të shekullit XVIII, në kompleksin “Emingjiku” (Foto: Muzeu Etnologjik)

Prishtinë, 26 shkurt – Elemente të veshjeve të Hasit që janë veshur nga gratë të cilat e plakin ditën atje, sot kanë krijuar një mozaik ngjyrash e historish në një veshje të vetme. Dikur e përdorur në përditshmëri, ka kohë që tash shihet rrallë, rëndom për festa.

 

Koleksioni i veshjeve i Muzeut Etnologjik prej së premtes është pasuruar me një tjetër veshje tradicionale. Është ajo e gruas së Hasit, që në këtë institucion zë vend si dëshmi e mjeshtërisë, traditës e jo vetëm. Edhe ekspozimi i saj në ditën e pranim-dorëzimit ka përçuar koloritin që e karakterizon, e secili prej detajeve të saj është rrëfim më vete. Hulumtimi dhe pranim-dorëzimi i saj u bënë në kuadër të projektit “Veshja Tradicionale e Gruas Hasjane 2”

Prishtinë, 26 shkurt – Elemente të veshjeve të Hasit që janë veshur nga gratë të cilat e plakin ditën atje, sot kanë krijuar një mozaik ngjyrash e historish në një veshje të vetme. Dikur e përdorur në përditshmëri, ka kohë që tash shihet rrallë, rëndom për festa.

Një veshje e tillë tradicionale e gruas hasjane të premten i është dhuruar Muzeut Etnologjik të Kosovës. Është ekspozuar në mes të dhomës së madhe në shtëpinë e zjarrit të shekullit XVIII, në kompleksin “Emingjiku”. Elementet e shumta që e përbëjnë atë dëshmojnë se kjo veshje do goxha kohë për t’u veshur, e detajet shumëngjyrëshe se do edhe më shumë kohë për t’u punuar. Por përveç funksionit, sot ka ndërruar edhe mënyra se si punohet. Ndryshe njihet edhe si veshja e grave me kollanë e që veçohet për veçantitë për nga pamja, funksioni, mënyra se si punohet dhe historia. E merr emërtimin e saj nga brezi, i cili quhet kollan në të folurit e rajonit të Hasit. Kollani shoqërohet me pjesët e tjera, por, meqenëse ai vendoset në bel dhe i lidh rrobat në pjesën e sipërme dhe të poshtme të veshjes, konsiderohet si pjesa kryesore ose baza e veshjes.