Kulturë

Botohet vepra: Mit’hat Frashëri, nga arkivat te lexuesi i panjohur

“Një vepër kryesisht kulturore që përfshin në vëllimin e parë publicistikën. Në vëllimin e dytë studimet dhe esetë historike, kulturore dhe politike dhe në vëllimin e tretë është krijimtaria e tij”, thotë shkrimtari dhe historiani, Uran Butka në takimin promovues.

Instituti i Studimeve “Lumo Skëndo” ka përuruar vëllimin e parë të një serie me mbi 12 botime nga gjithë vepra e përmbledhur e studiuesit Mid’hat Frashëri. “Shqiptarët do t’i fitojnë të gjitha betejat pasi të mbarojnë betejën e fundit mes tyre”. Kjo është thënia simbol e Mit’hat Frashërit, alias Lumo Skëndo, e thënë në vitet ’30 kur shkëlqeu një plejadë dhe traditë letrare por dhe elitare në Shqipëri. Perspektiva e mendimit të Mit’hat Frashërit mban edhe leximin e sotëm, por që pritet të bëhet me një dimension receptimi më të gjerë nga botimi që do t’i bëhet veprës së tij nga Instituti i Studimeve Historike “Lumo Skëndo”.