Kulturë

Radio Kosova ndërpret audiodramat pas rrëfimit të gruas serbe

Radio Kosova ndërpret audiodramat pas rrëfimit të gruas serbe
 

Nisma nëpërmjet së cilës do të transmetoheshin dhjetë episode të audiodramës “Të jetosh me kujtimet e të pagjeturve” ka përfunduar vetëm me dy seri. Tek pasi u transmetua rrëfimi i gruas nga komuniteti serb, Radio Kosova ndërpreu transmetimin për të cilin ishin dakorduar me organizatën “Integra”, e cila një vendim të tillë e cilëson censurë. Në anën tjetër, nga Radio Kosova kanë thënë se s’mund ta vazhdonin transmetimin e dramës pasi kishte gjuhë linçuese ndaj shqiptarëve

Rrëfimi për bashkëshortin e zhdukur i një gruaje të komunitetit serb, ka bërë që Radio Kosova dhe organizata “Integra” të prishin marrëveshjen për transmetimin e audiodramave “Të jetosh me kujtimet e të pagjeturve”.

Kësisoj, nisma nëpërmjet së cilës do të transmetoheshin dhjetë episode që shpalosin histori të familjarëve të personave të zhdukur gjatë luftës së fundit në Kosovë, ka përfunduar vetëm me dy seri. Përderisa mostransmetimin e rrëfimit të gruas serbe, “Integra” e cilëson si censurë, për Radio Kosovën bëhet fjalë për gjuhë linçuese ndaj shqiptarëve.