Kulturë

Qendra Kinematografike mbështet 26 projekte filmike

 

Në konkursin e këtij viti të Qendrës Kinematografike të Kosovës, Këshilli Drejtues ka vendosur që të mbështeten 26 projekte filmike në kategori të ndryshme, bëhet e ditur përmes një komunikate për media.

Tutje bëhet e ditur se në kategorinë e filmit të metrazhit të gjatë artistik, debutant, postproduksion dhe bashkëprodhim minorë janë mbështetur 7 projekte; në kategorinë e filmit të shkurtë dhe gjatë dokumentar janë mbështetur 4 projekte, në kategorinë e filmit të shkurtë animacion dhe artistik 4 projekte dhe në kategorinë e konkursit për zhvillim skenari 11 projekte.