Kulturë

Tri institucione pa zgjidhje për 450 euro, pitosi antik mbetet në ara

Tri institucione pa zgjidhje për 450 euro, pitosi antik mbetet në ara
Pitosi 1 600 vjet i vjetër ka mbetur aty ku u gjet në fillim të tetorit: në arat e fshatit Bllatë të Kamenicës

Instituti Arkeologjik i Kosovës dhe Komuna e Kamenicës s’e kanë një zgjidhje se si të futen në punë mjetet e nevojshme për tërheqjen e pitosit antik, i cili tash e gati dy muaj ka mbetur aty ku u gjet: në arat e fshatit Bllatë të qytetit lindor. Komuna ia ka ndarë IAK-së 450 eurot e nevojshme për tërheqjen e artefaktit 1 700 vjet të vjetër, por IAK-ja thotë se s’mund t’i shfrytëzojë. Ndryshe e paraqet këtë situatë Ministria e Kulturës, e cila deri më tash s’i ka dhënë zgjidhje kësaj pune.

“Ne i kemi ndarë mjetet. Kemi kërkuar mundësi që t’ia japim IAK-ut. Ata na kanë thënë se nuk kanë si t’i pranojnë. Të them të drejtën, më duket situatë absurde”, ka thënë drejtori i Drejtorisë së Kulturës në Kamenicë, Arianit Ibrahimi.