Kulturë

Shijet e veçanta të rakisë

Shijet e veçanta të rakisë
Lekë Hajdaraj: “E kemi trashëguar që nga ilirët dhe e vazhdojmë me pasion dhe përkushtim. Tradita është baza e suksesit. Megjithatë, dallimi kryesor i prodhimit të rakisë është kombinimi i tradicionales me moderne”

Shëtitje nëpër shijet e ndryshme të rakisë është mundësia që të ofron punëtoria e familjes Hajdaraj nga Gjakova. Leka është trashëgimtari i një tradite të lashtë në këtë zeje. Vetë e ka mësuar nga prindërit e tij, ndërsa thotë se është traditë stërgjyshore. Madje shkon larg deri tek ilirët, për të gjetur në rrënjët etnike këtë traditë.

Ajo që ka rëndësi, këtë punë, pesëdhjetegjashtëvjeçari thotë se e bën me shumë pasion. E këtë energji ka arritur ta transmetojë edhe tek anëtarët e familjes. Kombinimi i traditës me mënyrat e reja të prodhimit të rakisë është mbase çelës suksesi për këtë biznes familjar, shkruan KOHA.