Kulturë

Prej “tatimit për mjekër” deri te rrëmbimi i vajzave të krishtera

Prej “tatimit për mjekër” deri te rrëmbimi i vajzave të krishtera
Foto: “Prizreni me pamje nga xhamia” 1906 (Arkivi i fotografive i Bibliotekës Kombëtare të Austrisë. Marrë nga “Politik und Gesellschaft im Vilayet Kosovo und im serbisch beherrschten Kosovo 1870–1914”)

Më 13 prill 1910 konsulli austro-hungarez nga Mitrovica, Ladislaus Tahy von Tahar, raportonte për një kryengritje në rajonin e Llapit përreth Prishtinës. Në pazarin e Prishtinës ishte përhapur fjala se tani e tutje shqiptarët që sjellin pula e ve për t’i shitur duhet të paguajnë një tatim të ri. Dikush ia kishte ngjitur një pule një fletë në krah me njoftimin se ky “bidat” (risi) sapo kishte hyrë në fuqi.

Konsulli Ladislaus Tahy von Tahar supozonte se ai që e kishte përhapur këtë thashetheme në pazarin e Prishtinës, e dinte se shqiptarët do të protestonin kundër tatimit të ri. Pasi dëgjoi për tatimin e ri, një shitës shqiptar i hodhi përtokë vezët, u kthye në fshatin e tij, ku dha lajmin për tatimin e ri. Ndërkohë emisarët e nxitësit të trazirave për ta acaruar edhe më shumë popullin dhe nxitur fanatizmin, përhapën lajmin e rrejshëm se tani e tutje madje secili burrë duhet të paguajë tatim për mjekër, shkruan KOHA.