Kulturë

“Pararoja” me reagim artistik si kundërpërgjigje ndaj karantinës

“Pararoja” me reagim artistik si kundërpërgjigje ndaj karantinës

Katër artistë shqiptarë i kanë hyrë një aventure artistike për krijimin e një reviste, apo zine, siç njihet formati i saj. Krijimet e tyre që gjenden brenda “Pararojës” janë reflektim i artistëve gjatë periudhës së karantinës për shkak të pandemisë së virusit COVID-19.

Të gjendur përballë një realiteti të ri, Blerta Hoçia, Driton Selmani, Ledia Konstandini dhe Olson Lamaj kanë shfaqur nëpërmjet artit të tyre përjetimet dhe këndvështrimet që kanë pasur gjatë kësaj periudhe. Secili artist ka hapësirën e vet brenda zinës, lloj reviste publikuar nga një grup me format e tirazh më të vogël – lansuar në fillim të muajit, në Tiranë, në ambientet e “BERK” – që në thelb është një shtëpi e pavarur botuese, por edhe një librari.