Elsie është kameriere në Betsy Ross Diner, që po kursen të holla për të braktisur qytetin kur të mbetet me barrë nga kuzhinieri i ardhur nga Shqipëria.
Tregimi i saj kryqëzohet me rrëfimin – 17 vjet më vonë – të bijës së saj tinejxhere, Luljeta, e cila po ashtu e gjen veten të ngujuar në një qytet prej të cilit gjakon të largohet.
Është një histori e ngjashme në relacionin nënë-bijë që përsëritet në të njëjtin qytet: Waterbury në Connecticut. Gjithçka ndryshon për Luljetën kur ajo zbulon se i ati i saj – për të cilin mendohej se ishte rikthyer në Shqipëri – jetonte në Texas, transmeton KOHA.
Ky është syzheu i romanit “Brass” që shkrimtares shqiptaro-amerikane, Xhenet Aliu, më 28 maj të këtij viti ia solli çmimin “Townsend Prize”.
Bëhet fjalë për çmimin e dhënë çdo dy vjet për shkrimtarë nga shteti i Georgias në ShBA, për romanin më të mirë. “Townsend Prize” jepet nga “Georgia Center for the Book”, si dhe “The Chattohoochee Review”, që është revista letrare e Universitetit Shtetëror të Georgias. Çmimi është emëruar në bazë të redaktorit të revistës “Atlanta”, Jim Townsend.
Çmimi i sivjetmë nuk ishte dhënë me fanfarën e zakonshme kur organizohet një mbledhje publike e literatit lokal që pi gota vere tek jepet shpërblimi për fatlumin.
Redaktorja e “AJC”, Suzanne Van Atten, ia ka kushtuar një shkrim shkrimtares, e cila është bijë e babait shqiptar dhe një nënë lituano-amerikane që u rrit në Waterbury, por tash jeton në Winston-Salem në Karolinën Veriore.
Artikullin e plotë mund ta lexoni në gazetën Koha Ditore. Klikoni këtu për t’u regjistruar falas.
© KOHA. Të gjitha të drejtat janë të rezervuara.
