Arti i filigranit, Lulzim Emra po e bart zanatin te fëmijët e tij

Shumë afër shatërvanit të Prizrenit ndodhet dyqani i artizanit Lulzim Emra. Ky vend është adresë e filigranit që nga viti 1972.

Stolitë e vendosura aty janë të punuara nga gërshetimi i fijeve të holla e elastike të metalit të çmueshëm.

Emra, i cili për më shumë se gjysmëshekulli merret me ketë zanat, thotë se në këtë punë mbijetohet vetëm me shumë vullnet, transmeton KOHA.

Këtë zanat e ka bartur edhe tek djemtë e tij, të cilët thonë se janë rritur me dëshirën për të qëndruar në dyqan.

Emra thotë se arti i filigranit dallon nga qyteti në qytet. Mjeshtri rrëfen se cilat janë karakteristikat e filigranistëve prizrenas.

Krahas filigranit, ai gjithmonë e ka pasur në qejf edhe muzikën.

Lulzim Emra, i cili i ka dy dyqane në Prizren, është i përkushtuar të merret me këtë punë me qëllim që zanati i filigranit të mos shuhet.