Kulturë

Vepra e Beethovenit në kohët e vështira

Vepra e Beethovenit në kohët e vështira
I mbajtur në një vit kremtimesh për 250-vjetorin e lindjes së kompozitorit, koncerti në Bonn është pjesë e projektit “Pastoral”, që i nxit artistët gjithandej botës për të bërë një deklaratë për mbrojtjen e klimës në frymën e “Simfonisë së Gjashtë” të Beethovenit

Ludwig van Beethoven e donte natyrën dhe e shprehte pasionin e tij për mjediset e mëdha në shumë prej veprave të tij. Mbase shembulli më i spikatur është “Simfonia e tij e gjashtë”, ose “Pastoral”, që u luajt të premten e 5 qershorit nga Orkestra e Beethovenit në Bonn për të kremtuar Ditën Botërore të Mjedisit sipas Kombeve të Bashkuara.

I mbajtur në një vit kremtimesh për 250-vjetorin e lindjes së kompozitorit, koncerti është pjesë e Projektit “Pastoral”, që i nxit artistët gjithandej botës për të bërë një deklaratë për mbrojtjen e klimës në frymën e “Simfonisë së gjashtë” të Beethovenit. Koncepti nistor ka përfshirë koncerte në Gjermani dhe jashtë saj.