Kulturë

Këshilli jofunksional harxhon 147 mijë euro, hapet konkursi për anëtarë

Këshilli jofunksional harxhon 147 mijë euro, hapet konkursi për anëtarë

Sekretariati i Këshillit të Kosovës për Trashëgimi Kulturore për vitin e kaluar është paguar 60 mijë e 913 euro. Është organ mbështetës profesional, administrativ dhe teknik për nevojat e Këshillit. E Këshilli praktikisht nuk ekziston. Nuk ka asnjë prej shtatë anëtarëve sa përcaktohen me ligj.

Pagesa që i bën shteti një sekretariati me shërbyes civilë që nuk ka kujt t’i shërbejë konsiderohet e papranueshme për ekspertë të trashëgimisë kulturore e deputetë. Madje ka prej tyre që krejt këtë e shoshin si shkelje të rëndë. Sipas Raportit të Zyrës Kombëtare të Auditimit për vitin e kaluar – i publikuar të enjten në ueb-faqen e këtij institucioni – KKTK-ja kishte buxhet final prej 150 mijë eurosh.