Pesë kilometra jashtë Malishevës ndodhet fshati Astrozub, të cilit artisti Jetmir Morina i ka dhënë ngjyrë nëpërmjet dhjetëra muraleve.
Muret e shkollës, kafeneve dhe shtëpive, ai i shndërron në hapësirë artistike mbi të cilat ilustron pjesë të bukura të kësaj rrethine. Por, temë e muraleve të tij janë edhe kryeqendrat evropiane si New Yorku.
Në murin e jashtëm të shkollës së fshatit, në përmasa të mëdha, Morina e ka realizuar muralin që shpërfaq kopertinën e njohur të abetares shqipe.
Krijimtaria artistike e Morinës nuk kufizohet vetëm me murale.
Artisti i ri thotë se shpeshherë inspirohet nga elementet tradicionale, raporton KOHA.
Në muralet e tij shihen edhe bukuritë natyrore të vendit.
Jetmir Morina ka diplomuar në Fakultetin e Arteve të Universitetit të Prishtinës dhe punët e tij i ka prezantuar në disa ekspozita kolektive.
© KOHA. Të gjitha të drejtat janë të rezervuara.
