Kulturë

Artisti gjerman në aksion për ta ndihmuar skenën joformale kulturore

Artisti gjerman në aksion për ta ndihmuar skenën joformale kulturore
Wolfgang Tillmans gjatë një ekspozite të tij në “Tate Modern” në Londër, në vitin 2017

Artisti gjerman, fituesi i çmimit “Turner”, Wolfgang Tillmans, është duke shitur posterët e veprës së tij për 50 euro, në mënyrë që të mbështesë klubet e natës dhe hapësirat për art e muzikë që janë në rrezik për të mbetur jashtë biznesit për shkak të përhapjes së COVID-19.

Tillmans, të cilit i janë bashkuar edhe 40 artistë të tjerë ndërkombëtarë, përfshirë Mark Leckey, Betty Tompkins dhe Andreas Gursky, ka lansuar kampanjën për grumbullimin e mjeteve me qëllim që t’iu japë mbështetje financiare hapësirave kulturore “që mungesa e publikut po u shkakton krizë ekzistenciale”.