Kulturë

Shfaqja “Trenat” mbledh publikun gjilanas në ditën e katër të dramës “Talia e Flakës 2020”

 

Në ditën e katërt të Festivalit të dramës "Talia e Flakës 2020", para artdashësve gjilanas është prezantuar shfaqja konkurruese "Trenat" e autorit Haqif Mulliqi, prodhim i Teatrit Kombëtar të Prishtinës.

Fabula e shfaqjes "Trenat" përmes lojës së aktorëve Shpëtim Selmani e Rozi Kryeziu ka shpërfaqur një moment jetësor të çiftit (Veni e Vini) në pritje për t'u arratisur, me qëllim të shpëtimit të identitetit e integritetit personal, ndonëse të dalë nga binarët e normalitetit të jetës, si pasojë e përjetimeve pas dramës së dhunimit e përdhunimit që u ka ndodhur.