Kulturë

Arbnor Morina ekspozon rreth 20 punime në “Caffe Atelie +”

Në artin e tij, dominojnë pikturat dhe vizatimet.

Në to, Arbnor Morina ka vendosur instinktet bazike të njerëzve pas ndonjë ndodhie që përjetojnë.

Procesi dhe transformimi i njeriut pas ndodhisë, është shumë i rëndësishëm për artistin.

Këto vepra janë mes ekspresionizmit figurativ dhe abstrakt, raporton “Express” i KTV-së.

Në këtë kënd, piktori u ka dhënë hapësirë portreteve të vizatuara me laps dhe thëngjill.

Kompromisi dhe tragjedia janë konceptet e tjera që i ka shtjelluar nëpërmjet ngjyrave.

Arbnor Morina është në përfundim të studimeve master në Fakultetin e Arteve, ndërsa në një vëllim punimesh, po e trajton metamorfozën e njeriut.