Kulturë

Dokumentimi i luftës së fundit në Kosovë nëpërmjet animacionit

Në mes të bombave, një grua përballet me betejat e përditshme për ushqim dhe mbijetesë. Ajo i ecën kryq e tërthor peizazhet e zbrazëta të qytetit, që po zhduken dita ditës me secilën bombë që po bie.

Lufta si përvojë vetmitare është shtjelluar në dokumentarin e animuar të realizuar nga Urtina Hoxha. Ajo ka zgjedhur që ngjarjet e luftës së fundit në Kosovë, t’i pasqyrojë në një formë ndryshe, raporton “Express” i KTV-së.

Për Hoxhën, realizimi i animacionit “Kush mytet kapet për shkume” ka qenë sfidues për disa arsye.

Ky projekt është realizuar në kuadër të platformës “HeritageSpace”, të implementuar nga dega në Kosovë e organizatës “Trashëgimia Kulturore pa Kufij”.