Këndet e leximit janë hapësira relaksuese për nxënësit gjatë kohës së lirë dhe të rinjtë e Kaçanikut, tashmë e kanë një kënd të tillë.
Nxënës të të dyja shkollave të mesme, gjimnazit “Skënderbeu” dhe shkollës së mesme profesionale “Feriz Guri dhe Vëllezërit Çaka”, krijuan këndin e leximit në hapësira të shtëpisë së kulturës “Xheladin Kurtaj”.
Qëllimi i këtij projekti është të mbledhë sa më shumë nxënës për lexim në hapësirën e kompletuar me raftin për libra, tavolinën, karrige, ulëse si dhe me një pjesë të konsiderueshme të librave.
Nxënësit e Kaçanikut shprehen të lumtur që tashmë e kanë hapësirën në të cilën mund të lexojnë.
Ky aktivitet është pjesë e programit “Brick”, themeluar dhe implementuar nga organizata CDF.
