Kulturë

Peter Handke dhe pasaporta sekrete nga Jugosllavia e Milosheviqit

Peter Handke dhe pasaporta sekrete nga Jugosllavia e Milosheviqit

Pranvera e vitit 1999 ishte një kohë e zënë për Peter Handken, shkrimtarin kundërthënës austriak që muajin e kaluar fitoi çmimin “Nobel” për letërsi.

Asokohe Handke veçse ishte kritikuar për libra të ndryshëm që vlerësoheshin si mohim i gjenocidit serb ndaj myslimanëve në Bosnjë. Por pasi Shtetet e Bashkuara dhe aleatët filluan fushatën e bombardimeve ndaj caqeve serbe më 25 mars, Handke u zhyt edhe më thellë në politikën e luftës duke udhëtuar në Beograd për të shprehur solidaritetin me vendin e izoluar dhe të fortin e tij, Slobodan Milosheviq.