Kulturë

“AnAntonio” në harmoni pianistike me vepra premierë për Prishtinën

Foto: Koha
 

Duoja pianistike “AnAntonio” që në paraqitjen e parë ka dëshmuar se ka një gjuhë harmonie. Pianistja Ana Josimovska-Cagnazzo nga Maqedonia dhe pianisti italian Antonio Cagnazzo kanë dialog të veçantë gjatë interpretimit pianistik.

Këtë e kanë shpërfaqur edhe në koncertin në kuadër të edicionit të 20-të të festivalit të muzikës kamertale “KamerFest”, të mërkurën mbrëma. Lehtë i dallueshëm është virtuoziteti si në lojën me katër duar në piano, ashtu edhe në pjesët solo që kishin përzgjedhur, shkruan sot “Koha Ditore”.