Realizmi në lojë me përditshmërinë dhe të padukshmen Foto: Koha

Realizmi në lojë me përditshmërinë dhe të padukshmen

Salih Mehmeti Salih Mehmeti 13 October 2019 09:39

Qenë të kruspullosur në rrugë, një grumbull librash, tjegulla të kuqe prapa një muri, një llamarinë e vjetruar skaj ndonjë shtëpie, ca dërrasa në vrimat e të cilave shigjetojnë dy sy depërtues të një vocërraku, dhe peri që endet nga njëra pikturë te tjetra është realizmi.

Ndër miq e njohës të artit ai ka ngjallur ndjesinë e mjeshtërisë realiste të Lucian Freudit, nipit të babait të psikanalizës moderne.

Është një lojë ngjyrash që arrijnë të riprodhojnë një përditshmëri me të gjitha dromcat e nuancat e veta. Vetëm 37 vjeç, Vehbi Murati është piktori nga Lipjani që me lentet e një klasiku të realizmit bartet në botën e së sotmes.

Me buzën në gaz thotë se kjo i ngjan bartjes në kohë të një realisti që sakaq e gjen vetën në të përditshmen. Dhe arti i tij nuk shfaq shenja anakronizmi, që në rrugët tona do të sajonte burra të kullandrisur me cilindra në kokë e bastunë në dorë apo femra me dantella e veshje të botës që tashmë ka perënduar.

“Frymëzimi i çdo artisti bashkëkohor është e përditshmja në të cilën ai jeton”, thotë ai në rrëfimin për “Kohën Ditore”.

Nostalgjikja dhe e tashmja

Nostalgjikja dhe e tashmja në pikturat në vaj njësohen. Në javën e tretë të shtatorit, në Galerinë e Ministrisë së Kulturës, Vehbi Murati ka hapur ekspozitën e tij të pestë personale.

Me dhjetë piktura në vaj, “Një ditë e zakonshme shtatori”, siç ishte titulli i ekspozitës, ishte kuturisja e piktorit në realitet.

Për të ishin të nevojshëm sy e shpirt realisti që dinë të përkapin një dimension tjetër edhe përtej pamjes së parë....(Më gjerësisht lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme