Më 28 qershor AJO sjell këngën “BESA”

Më 28 qershor AJO sjell këngën “BESA”

22 June 2019 19:13

Këngëtarja Vjollca Robelli Mripa e njohur si “Ajo” do të publikojë këngën e saj më të re të quajtur “BESA”.

“BESA” do të publikohet me 28 qershor dhe është punuar nga emra të njohur dhe respektuar në industrinë e muzikës në Angli.

Kënga është shkruar dhe komponuar nga Vjollca Robelli Mripa dhe miksi i saj është bërë nga Andrew Phillips, i cili është kompozitor i nominuar për Oscar dhe Emmy.

Master i këngës është bërë nga Max Gilkes, pjesë e 1Sonic Production Studio, të nominuar për Grammy dhe Mercury.

“Besa është zakon i ruajtur me shekuj ndër shqiptarë. Kjo këngë na përkujton vetitë e mira si popull që kemi ose të paktën që kemi pas. Mikpritja është një nga tiparet që na dallon nga popujt tjerë dhe me këtë këngë dua që të bëjë thirrje që të mos e harrojmë atë, të këndojmë, vallëzojmë e t’i festojmë të mirat tona. Shpresoj që me këtë kangë të sjell gëzim tek ju”, ka thënë AJO për KOHA.net.

AJO po sjell tek publiku këngën e parë nga EP album i saj, i cili pritet të publikohet së shpejti.

 
AJO - BESA

BESA - Out on June 28th

Posted by AJO on Saturday, June 22, 2019

 

© KOHA. Të gjitha të drejtat janë të rezervuara.

Komentet

Shto koment

Të ngjashme