Publicisti dhe shkrimtari, Veton Surroi, ka bërë të ditur se në Panairin e Librit “Prishtina 2019”, në fillim të qershorit, do të dalë edhe romani i tij i ri.
Për herë të parë, ai në Rubikon të KTV-së të mërkurën zbuloi edhe titullin e librit të ri, “Fshehtësia e zbulimit të Hanës”.
“Është një roman i ri, quhet ‘Fshehtësia e zbulimit të Hanës’. Do të dalë në panair, në javën e parë të qershorit”, ka deklaruar ai.
Surroi s’ka pranuar të japë detaje duke thënë se “nuk mund ta zbulojë fshehtësinë”.
Librat e Surroit në panairet e deritashme në Prishtinë kanë qenë gjithmonë bestsellerë.
