Kulturë

Dënim me kusht me 3 muaj burgim e 300 euro gjobë për rrafshim monumenti

Dënim me kusht me 3 muaj burgim e 300 euro gjobë për rrafshim monumenti

Për Gjykatën Themelore të Pejës, rrënimi i një monumenti nuk “kushton” më shumë se 3 muaj burgim me kusht e 300 euro gjobë, po ashtu me kusht. Ky është dënimi që kjo Gjykatë ka shqiptuar për “agjësimin” e monumentit që mbrohej nga shteti qysh nga viti 1949.

Në prill të vitit të kaluar ishte rrafshuar ndërtesa njëkatëshë, që mbrohej si “Shtëpia e Heroit të Popullit Ramiz Sadiku” në Pejë. Asokohe autoritet kishin nisur hetimet, shkruan sot “Koha Ditore”. Ishte ngritur aktakuzë ndaj Sakibe Harxhit, që ka rrënuar monumentin që ishte në emër të bashkëshortit të saj, Isa Harxhi.