Morgan Freeman bart distinktivin për miqësinë Kosovë-SHBA Foto: Facebook

Morgan Freeman bart distinktivin për miqësinë Kosovë-SHBA

Shaban Maxharraj Shaban Maxharraj 28 February 2019 08:24

Aktorit amerikan me nam botëror, Morgan Freeman, të mërkurën i është dhënë një distinktiv me flamurin e Kosovës dhe atë të Shteteve të Bashkuara të Amerikës.

Është ai që simbolizon miqësinë midis dy vendeve. I është dhënë nga sekretarja e parë e Ambasadës së Kosovës në Panama, Valmira Thaçi-Musa, gjatë një takimi që ka pasur me aktorin. Këtë e ka bërë të ditur vetë sekretarja Thaçi-Musa nëpërmjet disa fotografive. Nuk janë dhënë detaje të tjera rreth këtij takimi.

“Kënaqësi të takojmë një ndër aktorët më të mirë të të gjitha kohërave, Morgan Freeman”, ka shkruar Thaçi-Musa në postimin e saj në Facebook, shoqëruar me katër fotografi bashkë me Freemanin.

Freeman, i cili është edhe fitues i çmimit “Oscar” për aktorin më të mirë në rol dytësor, për rolin e tij në filmin “Million Dollar Baby” më 2005, e njeh goxha historinë e Ballkanit, por edhe atë të Kosovës. Këtë e kishte dëshmuar kur realizoi dokumentar. Në nëntor të vitit 2016 ai kishte vizituar Bosnjën.

(Gjerësisht, sot në "Kohën Ditore")

  • Foto: Facebook
  • Foto: Facebook

Folegjenda: Aktorit të njohur Morgan Freeman të mërkurën i është dhuruar distinktivi që simbolizon miqësinë midis Kosovës e ShBA-së. Ia ka dhënë sekretarja e parë e Ambasadës së Kosovës në Panama, Valmira Thaçi-Musa, gjatë një takimi që ka pasur me aktorin. Këtë e ka bërë të ditur vetë sekretarja Thaçi-Musa nëpërmjet disa fotografive

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme