Parregullsi në financimin e sfilatës së Blerina Kllokoqi- Rugovës nga ministria e Kulturës Foto: Fb/BlerinaKllokoqiR

Parregullsi në financimin e sfilatës së Blerina Kllokoqi- Rugovës nga ministria e Kulturës

06 November 2018 22:26

Ministria e Kulturës ka mbështetur sfilatën e modës “Koleksioni Dardania” të organizuar në verën e vitit 2017 në vlerë prej 6 000 euro.

Sfilata “Koleksioni Dardania” është mbajtur nga Blerina Kllokoqi- Rugova, e cila është bashkëshortja e Mendimit, djalit të presidentit të ndjerë të Kosovës, Ibrahim Rugovës.

Kjo sfilatë mode është mbështetur nga MKRS me arsyetimin se “projekti ka rëndësi për promovimin kulturor të vendit”, raporton kallxo.com.

Në kohën kur është mbajtur sfilata e Kllokoqi-Rugovës, Ministrinë e Kulturës e drejtonte Lidhja Demokratike e Kosovës, themelues i të cilës është vjehrri i saj i ndjerë, Ibrahim Rugova.

Ministria e Kulturës, Rinisë dhe Sportit në atë kohë drejtohej nga Kujtim Shala, aktualisht deputet i Kuvendit të Kosovës.

Zyra Kombëtare e Auditimit ka raportuar se MKRS kishte mbështetur projektin “Koleksioni Dardania” në vlerë 6,000€ në mungesë të planit dhe arsyeshmërisë së projektit dhe se aktiviteti i realizuar kishte karakter biznesi.

Shkrimin e plotë e gjeni në Kallxo.com

Komentet

Shto koment

Të ngjashme